JARDUERA FISIKOKO ZENTROA
Irakurri sarri egiten diren galderen eta erantzunen zerrenda, gure instalazioen araudi eguneratua lortzeko. Erabiltzaile guztientzako esperientzia seguruaren oinarria dira.
Partekatu:
Zein da Jarduera Fisikoaren Zentroko ordutegia?
Jarduera Fisikoaren Zentroa egunero egoten da irekita, ordutegi honetan:
Astelehenetik ostiralera: 07:00-22:00
Larunbat, igande eta jaiegunetan: 09:00-21:00
07:00etatik 09:00etara eta 21:00etatik 22:00etara, Iparragirre kaleko sarreratik.
Espazio guztiak zabalik daude?
Gimnasioan, areto funtzionalean eta igerilekuan sar zaitezke.
Sar al daiteke Jarduera Fisikoaren Zentrora harpidetzarik gabe?
Bai, behin erabiltzeko sarrera erosita. Azkuna Zentroko edo Bilbao Kirolak-eko harpidedunak Jarduera Fisikoaren Zentrora sar daitezke, ordainketak egunean badituzte. Titulu horiek ez dituzten pertsonek eguneko sarrera eros dezakete Jarduera Fisikoaren Zentroko informazio-mahaian.
Zein harpidetza-mota behar dut?
Azkuna Zentroak urteko eta hileko harpidetzak egiten ditu Jarduera Fisikoaren Zentroko instalazioetara sartzeko.
Zer behar dut instalazioan alta emateko?
Az txartela edo Bilbao Kirolak-en txartela eraman behar da. Horrelakorik eduki ezik, Az Info-en eskatu ahal izango da NANa aurkeztuz.
Harpidetza utz edo eska dezaket urtean barrena?
Bai. Hilabeteko abonamenduaren kasuan, baja eman daiteke jarduera utzi nahi duzun egunaren aurreko hilaren 15etik bukaera arte. Abonamendu-mota horren alta hilabeteko edozein unetan egin daiteke. Urteko abonamenduan ez dago baja emateko aukerarik.
Zer da Premium tarifa?
Oinarrizko jarduerak egiteko eta gimnasioan sartzeko tarifa bakarra da. Hiru Premium tarifa-mota daude: LURRA (lurreko oinarrizko jarduerak, yoga izan ezik), URA (oinarrizko ur-jarduerak, igeriketa ikastea izan ezik) eta GUZTIA (Lurreko eta Uretako Premium jarduera guztiak). Gimnasiora sartzeko aukera guztietan dago jasota.
Noiz eman dezaket alta eta baja ikastaro batean?
Edozein unetan eman dezakezu alta (hilaren 8tik aurrera hilaren zati proportzionala kobratuko da), eta aurreko hilaren 15etik aurrera eman dezakezu baja.
Zabalik al daude aldagelak eta gimnasioko eta igerilekuko
dutxak?
Igerilekuan eta gimnasioan irekita daude aldagelak eta dutxak.
Zenbat urte arte sar daitezke neskak gizonezkoen familiako aldagelan eta mutilak emakumezkoen aldagelan?
Familiaren aldageletara ezin dira sartu adingabe batekin ez datozen pertsonak. 8 urtera arte sexu desberdineko adingabeen aldageletara sar daitezke. 9 urtetik aurrera, sexuaren arabera dagozkien aldagelak erabili behar dituzte.
Erabili dezaket armairua egun osoan zehar?
Ezin da arroparik edo bestelako objekturik biltegiratu Jarduera Fisikoko Zentroko instalazioak erabiltzeko denboraz harago.
Ekar daiteke ile-lehorgailua etxetik?
Une honetan, instalazioetan lehorgailu partikularrak erabil daitezke. Gure lehorgailuak ere erabili daitezke.
Zer jantzi mota eraman behar dut igerilekuan?
Nahitaezkoa da jantziak, bainurako txanoak eta txankletak erabiltzea. Azkuna Zentroak bainurako jantzi homologatu gisa aitortzen du Burkinia.
Zein adinetatik aurrera sar daitezke adingabeak bakarrik igerilekuan?
12 urte betetzen dituzten urtean hasi eta 14 urtera arte, gurasoen baimenarekin.