© Alberto Reverón
CARLOTA MANTECÓN. “PRINCIPIANTES”
DANTZA
DATA
2024ko abenduak 12, osteguna
ORDUA // IRAUPENA
19:00 // 40'
ESPAZIOA
Kubo Baltza
SARRERA
10€ / 7€ AZ Txartelarekin (Azaroaren 12a baino lehen erositako sarrerek %50eko deskontua izango dute.)
TARIFA MURRIZTUA
Sarrerak aurrez aurre bakarrik saltzen dira AZ Infon: 7,50€ sektoreko profesionalentzat, 65 urtetik gorako, 30 urtetik beherako edo %33tik gorako desgaitasuna duten pertsonentzako (erakutsi NAN edo egiaztagiria sarrera eskuratzean) / 7,50€taldeak (8 lagunetik gora) / 5€ gurpil-aulkian dagoen pertsonarentzat eta laguntzailearentzat. Azaroaren 12a baino lehen erositako sarrerek % 50eko deskontua izango dute.
"Principiantes" sorkuntza-praktika eszeniko garaikide bat da; praktika horretan, 60 urtetik gorako 10 emakumeri gonbita egin zaie gorputz kolektibo bat eraikitzeko, beren gorputzak, ahotsak, aktibatuz, eszenan elkarrekin egoteko moduak eta erak bultzatuz, ni indibidualetik abiatu eta gu kolektibo baterantz eginez.
Carlota Mantecón dantzari eta koreografoa lagun izan dute prozesu horretan, dantzaren eta performatibitatearen arloko tresnak eskainiz eta praktika aktibatuz, eta azkeni, publikoarekin partekatu dute praktika, dispositibo eszeniko modura.
Partekatu:
“Principiantes” 60 urtetik gorako emakumeekin gorputz kolektibo bat sortzeko nahiaren emaitza da. Gorputz bat, gorputz amateur eta ez-akademikoez aktibatua, zeinak baikaramatza gure buruari galdetzera zer-nolako balioa duen mugitzen ari den gorputz batek kolektibitate-ekintza batean. Gorputz bat, singulartasunaren autonomiaren eta pluraltasunaren ahalmenaren artean aktibatzen dena.
Emakumeek beren haragiak jausten ikusi dituzte betiereko gaztetasunaren irudia jaun eta jabe den gizarte batean. Praktika honek askatasunezko espazio bat irekitzen du adineko gorputzetik eta gorputzen artean. Prozesuaren amaieran, publikoaren begiradarekin bat egiten dugu; izan ere, praktikaren konplize bihurtzen da publikoa, kutxa eszenikoaren barruan emakumeekin biribilean jarrita, halako eran non kolektibitate-ekintzaren parte baita.
© Alberto Reverón
FITXA ARTISTIKOA
Kontzeptua, koreografoa, bideratzailea: Carlota Mantecón
Performerrak: 10 emakume lokal
Soinua: La bailarina, Alberto Iglesias / Made to Stray, Mount Kimbie
Banaketa: Peso producciones / Cristina Pérez Sosa
Dantzaria eta koreografoa da Carlota Mantecón, eta koreografiaren, dantzaren, performatibitatearen eta kuradoretzaren arloetan lan egiten du.
Gaur egun, “Las voces” prozesua lantzen ari da; bertan, ahotsaren bibrazioa ikertzen dihardu, ekintza plural eta fantasmagoriko baten bidez. Luz Prado performer eta biolinistarekin lankidetzan aritu da zenbait proiektutan; honako hauetan esaterako: “Un mismo movimiento”, mugitzean eta jotzean sortzen den arrastoaren eta oharkabeko memoriaren ikerketa; “Dance, no goal”, dantzaren zentzua berritzea eta dantzaren historiak adineko dantzariekin; eta “Esto no es una prueba de sonido”, dantzako solo edo soinu-duo bat, gorputzak mugitzean egiten duen soinua anplifikatzean datzana.
2017az geroztik, “Principiantes” praktika eszenikoa garatzen ari da; dagoeneko 90 emakume lokal amateur baino gehiagok parte hartu dute bertan, eta antzerki-espazioaren, museoaren, plazaren parkearen edo musika elektronikoko jaialdi baten arteko balizko gurutzaketak jorratu dituzte, toki horietan partekatu baitute praktika publikoarekin. 2020 eta 2021 bitartean, lehen kuradoretza-praktika egin zuen La Cresta programarekin (dantza eta performancea), TEA Tenerife Espacio de las Artes museoan.
