ESTIBALIZ SÁDABA. “ERROMAKO PROZESUAK”

“Soberakinak. Erromako hiriaren kartografia genero-ikuspegitik egiteko oharrak” (2017) lanean, gogoeta egiten da emakumeek espazio publikoarekin duten harreman zailari buruz, horrela emakumeek Antzinako Erroman izandako rol aktiboa azpimarratzeko, eta, aldi berean, teorialari feministek zer pentsatzen duten eta Italia garaikidean hainbat emakumek nola lan egiten duten erakusteko.

“Etxeko subertsioak” (2020) proiektuak gogoeta egiten du emakumeak etxeko espazioan egiten duen itxialdiaz, ikusezina den lana ikusarazteko eta argitara ateratzeko; ildo horretan, 1970eko hamarkadako bi pentsalari feminista italiarren testuetatik abiatzen naiz -Silvia Federici eta Mariarosa Dalla Costaren lanetatik-, laguntza ematen baitidate bideoan eta performancean oinarritutako nire jardunetik erakusteko nola gure gizartean oraindik ere bazterrekotzat hartzen den zaintza- eta mantentze-lana.