GUTUN ZURIA 2023. “IDATZI, EDITATU, IRAKURRI”
JAIALDIA
DATA
Martxoaren 28tik apirilaren 1era
WEBGUNEA
Gutun Zuria Bilbao
TIKETEN SALMENTA
Sarrerak eta izena eman
Gutun Zuria Bilbao, Bilboko Letren Nazioarteko Jaialdia, literaturaren inguruko topagunea da. 2023ko edizioa martxoaren 28tik apirilaren 1era izango da “Idatzi, Editatu, Irakurri” izenburupean.
Jaialdiak irakurketaren ikuspegi artistiko berriak eta artearen begirada literario berriak proposatzen ditu, eta ideien, irudien, formen eta denboren lurralde berriak lotzen ditu. Bertako eta nazioarteko sortzaileak urtero igarotzen dira gai horietatik, hitza, saiakera, edizioa, antropologia, soziologia, filosofia, kazetaritza, ikerketa, arte bisual eta arte biziak erabiliz.
Idatzi / Editatu / Irakurri izenburuarekin, 2023ko edizioak gizartearen ezaugarri diren aldiberekotasun eta ugaritasunaren premisa hartzen du abiapuntu, eta idazketari, edizioari eta irakurketari begiratzen die praktika beraren zati gisa hartuta.
Horrela, jaialdiak modu berriak islatzen ditu literatura asmatu, ekoitzi, banatu, komunikatu eta kontsumitzeko. Betiere, Azkuna Zentroak hegemonikoak eta homogeneoak ez diren formatu eta edukiak hartzeko eta bultzatzeko egin duen apustutik abiatuta. Horregatik, aurtengo programan nabarmentzen diren egile batzuei literatura-prozesu osoa ardura zaie, idazketatik aktibismora, estudiotik tailerrera, idazketatik komunikaziora, fikziotik ediziora, bakarkako lanetik abian jartze kolektibora.
Partekatu: