NÚRIA GUIU. SPIRITUAL BOYFRIENDS
DANTZA
DATA
Osteguna, abenduak 16
ORDUA
19:00etan
ESPAZIOA
Lantegia 1
PREZIOA
12€ / 10€ Az txartelarekin / Erabili Bilbao Kultura Bonua AZ Infon sarrerak erosteko / Eskaera berezirik baduzu aldez aurretik Zentroarekin harremanetan jartzea eskertzen dizugu, info@azkunazentroa.eus posta elektroniko edo 944 014 014 telefonoaren bidez.
ESTEKA
Artistaren orrialdea
EszenAZ-en denboraldiak abenduan jarraituko du, Núria Guiu koreografo bartzelonarraren Spiritual Boyfriends-ekin: gorputzaren eta boterearen arteko erlazioaren inguruko bakarlan bat. Antzezlana hizkuntza fisiko, bisual eta teatralaren bidez jorratzen da, hizkuntzen arteko mugak eta «autobiografia/errealitatea» eta «fikzioa» terminoen artekoak uztartuz.
2019an, Likes pieza eszenikoa aurkeztu zuen Azkuna Zentroan. Sare sozialei eta "atsegin dut" famatuen balioari buruzkoa zen, eta bizi dugun garai digitalari buruzko hausnarketa bat egiten zuen. Bada, horren ondoren, Zentrora itzuli da artista Spiritual Boyfriends sorkuntza berriarekin.
Núria Guiuk, lan honetan, yogaren praktika aztertzen du; yogaren ikerketa dokumental eta ikonografiko bat egiten du: yogako jarreren eraikuntza historikoa eta jarrerek gorputzei rol, arau eta botere-egiturak nola ezartzen dizkieten, autodiziplinaren, osasunaren eta edertasunaren kultura bat sortzen baitute. Egungo yoga, praktika espiritual bat bada ere, gorputzaren kapitalizazioan harrapatuta dago, hainbat kontzepturen bidez, hala nola edertasuna, osasuna eta autoterapiaren inguruko objektu fetitxeen industria.
Artistaren arabera, "digitaltasuna desirarako espazio bat bezala eztabaidatzen da, baina baita kontrolerako espazio bat bezala ere, droga eta psikotropiko kolektibo bezala; arima (Interneten, entitate lurrunkor, birtual eta informatibo bezala ulertuta) gorputzaren materialtasunetik askatzen da eta nonahi eta modu ikusezinean behatu, ukitu eta manipulatu daiteke".
Núria Guiuk zera galdetzen dio bere buruari: Zer rol jokatzen du Internetek immaterialtasunari, maitasunari, botereari, politika neoliberalei eta horien kontrol eta zaintza sozialeko teknikei dagokienez?
Partekatu:
NÚRIA GUIU Bartzelonan bizi den artista bat da, eta dantza klasikoan graduatu zen Bartzelonako Antzerkiaren Institutuan. Iyengar Yogako irakasle tituluduna da, eta UOCeko Antropologia eta Giza Bilakaerako Graduko ikaslea. Dantzari gisa, Cullberg Ballet, Gisele Vienne, Carte Blanche Dance Company eta Batsheva Dance Company konpainiekin lan egin du, besteak beste. Koreografo gisa, Portal (2012) eta Likes (2018) sortu ditu. Azken hori 2019an aurkeztu zuen Azkuna Zentroan. Aerowaves 2018 Europako plataformak hautatu zuen pieza, eta aipamen berezia jaso zuen 2018ko Bartzelona Hiria Sarietan, eta antzezlan onenaren saria 2018ko Bartzelonako Kritikaren Sarietan.
Abenduaren 16an, ostegunean, 11:00etan, Nuria Guiuk “Spiritual Boyfriend” bere obraren ikuskizun bat eskainiko du Auditorioan hainbat ikastetxerentzat. Ikuskizunaren ostean, artista eta ikasleen arteko topaketa bat egongo da.