ROMA AKADEMIA
ERAKUSKETA
DATA
2021eko urriaren 28tik, 2022ko otsailaren 6ra
ORDUTEGIA
Asteartetik igandera, 11:00etatik 20:00etara (Astelehenetan itxita, salbu: jaiegunetan, abenduaren 27an eta urtarrilaren 3an)
ESPAZIOAK
Erakusketa Aretoa - Bat Espazioa (Lantegia. Ideien laborategia) - Mediateka BBK - Atrioa
SARRERA
Dohainik
KOMISARIOA
Jesús Donaire
LIBURUXKA
Erakusketa
ENTZUN
Audiogia online
DOKUMENTUA
Kredituak
BIDEOA
Prentsaurrekoa
DOKUMENTUA
Hezkuntza gida
DOKUMENTUA
Ibilbide ludikoak
Azkuna Zentroak Roma Akademia erakusketa aurkezten du, Garapenerako Nazioarteko Lankidetzaren Espainiako Agentziaren (AECID) urteko bekaren bidez 45 artistak Erromako Espainiako Errege Akademian (RAER) izandako egonaldian egindako lan eta proiektuekin
Jesús Donairek komisariatutako erakusketa-proiektu honek programaren ikuspegi multidisziplinarioa erakusten du: pinturatik hasi eta argazkigintzara, arte biziak, ikerketa, zinemaa, arkitektura, antzerkia, literatura, moda eta zaharberritzea barne hartuta. Lan guztien izendatzaile komuna artistek kultura-eragileekin eta Erromako errealitate ugariekin duten interakzioa da. Roma Akademia Zentroko gune guztietan egongo da: Erakusketa Aretoan, Lantegia. Ideien Laborategian, Atarian eta Mediateka BBK-n. Proiektua erakusketaren katalogoarekin osatuko da, parte hartzen duten 45 artisten sormen-prozesuen azalpenarekin.
Partekatu:
1873an sortua, Erromako Espainiako Akademiaren helburu nagusia, Kanpo Arazoetarako, Europar Batasuneko eta Lankidetzako Ministerioaren menpean, sorkuntza artistiko eta ikerketako prestakuntza artistiko eta humanistikoan laguntzea da.
147 urte pasa dira, eta Akademiak arte ekoizpenerako eta ezagutze sortzeko zentro gisa jarraitzen du. Sortzaileentzat topagunea da, beren proiektuak monumentu-multzoaren tradizioaren eta gizarte global eta teknologikoaren etengabeko berrikuntzaren artean garatzen dituztenak. Ia 1.000 egoiliar elkarrekin bizi izan dira Erroman eta haien arteko harremanak sortu dituzte etengabeko elkarrizketan
Azken zazpi urtetan AECID Garapenerako Nazioarteko Lankidetzaren Espainiako Agentziaren ekoizpenerako laguntzak jaso ditu. Horrela, Espainiako arte-egoitza garrantzitsuenetako bat da Akademia, nazioartean erreferentzia diren beste sorkuntzarako zentroen antzekoa.
“Roma Akademia” erakusketa 2018-2019 (Processi 146) eta 2019-2020 (Processi 147) promozioetako 45 egoiliarrek Akademian garatutako lan eta proiektuak biltzen du.
2020 urteko pandemiaren ondorioz kultura-erakundeen programazioetan eragin handia izan zuen egoera zela eta, 2018-2019 eta 2019-2020 promozioetako lanen aurkezpena erakusketa bakar handi batean biltzea erabaki zen, lehen aldiz Euskal Herrian antolatutako erakusketa.
Azkuna Zentroan erakutsiko diren proiektuak margolaritza, eskultura, argazkigintza, diseinu induatriala, bideoa, ikerketa, zinema, arkitektura, antzerkia, literatura, moda eta zaharberritze arlokoak dira. Asko dira Espainiako Akademia Erroman zentruan elkarrekin bizi diren disziplinak, non izendatzaile komuna eragile kulturalekin eta hiriko errealitate anitzekin interakzioa den.
“Roma Akademia” Azkuna Zentroak Garapenerako Nazioarteko Lankidetzaren Espainiako Agentziarekin eta Espainiako Errege Akademia Erroman zentroarekin egindako koprodukzioa da.
Azaroaren 11tik aurrera, ostegunero 18:00etan eta 19:00etan / euskara eta gaztelania
Doako sarrera aldez aurretik izena emanda Az Info-n, 944 014 014 telefono zenbakira deituta edo info@azkunazentroa.eus
Gehienez 25 pertsona.
Abenduan eta urtarrilean, batez ere haurrei eta familiei zuzendutako jarduerak egingo dira. 2018. eta 2020. urteen artean Erromako Espainiako Akademian egoiliar izan diren 45 artistaren erakusketa eta lana bisitatzea du xede. Material didaktiko espezifikoaren bidez, ibilbide ludiko bat proposatzen da era askotako lengoaietara hurbiltzeko, hala nola pinturara, argazkigintzara, collagera, bideora, modara, diseinura eta ilustraziora. Aretoan egiteko moduko jolasak ere baditu, obra batzuetan inspiratuta. Deskargatu erakusketa ikusteko aholkuak eta haurrentzako materiala.
